İnğilabi yolə rəhbər:Fələstinı məsələ de ğətiyyəti bə Fələstinı milləti nəf obərəxəy.

İslami inğilabi yolə rəhbəri votışe: səbarzəti,mığavimət və mubarizəonku bə kəno bə dast nibome və bə ilahi əvəz nıbə vədəon əsosi Fələstinı məsələ de ğətiyyəti bə Fələstin və islam dınyo nəf obərəxəy.

Həzrət Ayətullah Xamenei zinə sıb Fələstinı islamiyə muğavimət hərəkati ali rutbəinə heyəti vindımonədə Fələstinı məsələş islam dınyo 1 minnə və muhimmə məsələş zınə və votışe: Həmas Fələstinı hərəkəti dılədə ğərorış heste jəqo ki Fələstin islam dınyo hərəkati dılədə ğərorış qətə.

İslami inğilabi yolə rəhbəri Ğəzzə və İordan ru ğərbiyə sahili cəmaəti mığavimətış fəth və səbarzəti mıjdıvoni does zınə və əlavəş karde İron İslam Respublika Fələstinı macəraədə dınyo həmmə məmləkətonədə ciddiye,çun ki Fələstinı məsələ qıləy etığodi və diniyə məsələy.

Həzrət Ayətullah Xamenei votışe:Amerkə domoədə hərəkət kardə məmləkəton iyən Səudiyə məmləkəti  doəro mande Fələstinı məsələku qıləy səhvə hərəkəte çun ki əqər Fələstinıku himoyə əkin.karde əznin Amerkə vədə emtiyaz bıstənon.

Yolə rəhbəri işarə bə "əsri muğavilə" nomo bıə xəyanətinə plani işarə kardeye və ıştə bəyonoton dəvomədə ım  xətoə fitnəqərə hərəkəti hədəfi Fələstinıjə millət və cıvonon miyonədə Fələstiniyə şəxsiyyəti arəku barde zındəy ki bəpe icazə doə nıbo.puliku istifadə kardeədə,Fələstiniyə şəxsiyyəti arəku bıbən.

İslami inğilabi yolə rəhbəri votışe:dəvardə soronədə Fələstinıjon de sığ mubarizə bardə bin əmmo ımruj sıği əvəzi de dəğiğə rəketon ki ha nuğtə je zuşon heste inkişafışon kardə və ım yəni inkişafi his.

Həması siyasiyə dəftərxonə rəisi muavin Saleh Əlarori həm ım vindımonədə İslamiyə Respublika,Fələstinı millətiku himoyəonku təşəkkurış karde və votışe: İroni həxədə har qılə deşmenə hərəkət həğiğətdə bə Fələstin və muğavimətı cəriyani zid deşmenə hərəkəte.