Boliviyaədə İroni xarıci vəziri muzakirə iyən vindemonon.
Boliviya prezident və İroni xarıci vəzir 2 tərəfi iyən məntəğə və dınyo muhimmə mıvzoon barədə muzakirəşon karde.
Bə Parstadey raporti əsos Boliviya prezident Evo Moralis ım vindemonədə de Muhəmməd Cəvad Zərif muxtəlif məsələon barədə sohbətış karde.
İroni xarıci vəzir zinə həm de Boliviya xarıci vəzir Diyeqo Pari vindemon karde həm iğtisodi, ticari, bank, ditəsərrufat, dəvo-damon iyən səhiyyə əloğəon barədə muzakirəş karde.
Muhəmməd Cəvad Zərifi co qılə bərnomə həm de Boliviya unniversiti tələbəon vindemon karde elan bıə.
Xəbə ome ım səfəri cərəyonədə tojə zuhur kardə texnoloqiya iyən nano elmi barədə qılə həmkari muğavilə imzo bıə.
Im mərasimi cərəyonədə bə 2 qılə kişvəri miyono həmkarion xoto mıştərik zəminə və zərfiyyəton işorəş karde.
Əv stemariyə kişvəron deşməntion vədə bə İroni muğavimət muvəffəğə təcrubə işorəş karde ki dəvardə 40 sori mıddətədə İronədə anə inkişof və ozavziyə bois bıə.