İnqiltərə dıyo dızdəti ım kişvəri anti ironi cinoyəton bə yod vardə.

Tehroni cumə nımoji xətib votışe: Cəbəluttareğ tanqədə İroni nat kırnə tankeri mısodirə karde yolə istimorəkə kişvəri dəvardə soronədə bıə anti İron cinoyəton bə yod vardedə.

Ayətullah Seyed Əhməd Xatəmi zinə Tehroni cumə nımoji xotbəonədə əlovəş karde: İroni təcziyə karde, İroni mənabe və mol-servəton ğarət karde, stemariyə muğaviləon İronədə ğəhtion icod karde, İroni milləti sərkob və otosniyə və anti İron koalisiyaonədə de İroni co deşmənon həmkari karde əcumlə İnqiltərə anti İron cinoyəton nəmonəy ki ım kişvəriku İroni daemi nifrəti bois bıə.

Ayətullah Xatəmi İroni iğtidori barədə həm votışe: Fars dıyoədə Amerkə bepilotə cəsosə təyyarə məhv karde iyən İnğiltərə nat kırnə tankeri mısodirə İroni silahinə ğıvvon zumandəti bə dınyo nışoş do.

Əv bə İron Həmas təşkilati ali heyəti səfər həm işorəş karde və əlovəş ka: sioniston səy-cəhd ome ki Fələstin məsələ məhv bıbu əmmo İroni nəzər ıme ki Fələstin ərəbi bə mande və ım məsələ barədə İroni muğavimət əvəz bə nin ni.

Ayətullah Seyed Əhməd Xatəmi Niqeriya islamiyə hərəkati lider Şeyx İbrahim Zəkzaki vəziyəti barədə həm təkidış karde ki sionist rejim və Ale-Səud jıqo anti inson hərəkəton peştədən və əvon bəpe jıqo hərəkəton və cinoyəton nəticəku betarson.