İron Ərəbıstoni bə Yəmənı Sədə hucumış məhkum karde.

İroni xarici koon vəzorətxonə sıxanəvot Səudiyə koalisiya cinayətkarə hucumonış bə Yəmənı Sədə ostani qıləy vojor məhkumış karde və de ım məmləkəti millət məxsusən ım hucumi nəticədə kıştə bə kəson ailəon matəmədə ıştənış şərik zınə.

Səudiyə təcavuzkarə koalisiya hərbiyə təyyarəon zinə bə Yəmənı şimal Sədə ostani Ğətabər məntəğə qıləy vıjori hucumış barde ki nəticədə 14 nəfər kıştə və 23 nəfər həm yarəjə bedən,yarəjəon miyonədə 11 qılə hırdən heste.

İroni xarici koon vəzorətxonə sıxanəvot sed Əbbas Musəvi ımruj jıqo vəhşi və ğeyre insoniyə hərəkətonku ıştə nifrətış elan karde və votışe: bə Yəmənı zid hucum əkə silahinə ğıvvon,ım viron əkə canqi bino beku 4 sor dəvarde əpeştə yəmənı nabod kardeku kəno coqlə nəticəşon bə dast vardə ni və pidəşone siyasi iyəncanqi meydonədə məğlubiyətion jenon və hırdənon və ğeyre hərbion kışte cubran bıkən.