İroni ixtisadi vəzir: Tehron və Boku ticariyə həmkarəti nakonəsə ve inkişaf bəkay.

İroni ixtisadi və maliyə koon vəzir bə Tehron və Boku çokə rabiton işarə kardeədə votışe: İron və Azərbaycan Respublika ticariyə həmkarətion nakonəsə ve inkişaf bəkay.

İroni ixtisadi və maliyə koon vəzir Fərhad Dejpəsənd zinə Tehronədə de Azərbaycan Respublika ixtisad vəzir Şahin Mustəfayevi vindımon karde bəpeştə jurnaliston cəmədə əlavəş karde İron və Azərbaycan Respublika ticariyə həcm dəvardə 6 manqi mıddətdə dəvardə sori həminə mıddəti muğayisədə 2 bərobər bə.

Dejpəsənd votışe: İron və Azərbaycan Respublika enrji,banki və qumrokiyə məsəlonədə mıştərəkə nəzərışon heste və əlavəş kardeım məsələ  roziyə sənədi şikilədə hozzı bəbe ta Soçi şəhrədə İron,Rusiyə və Azərbaycan Respublika mıştərəkə 3 tərəfə iclosədə bəyon bıbo.