İroni cıvonə elitaon bəpe elm və texnoloqiya sərhədədə hərəkət bıkon.

İroni Yolə Rəhbər: təsirinə elmi inkişof de inğilobi diyə və islamiyə fikon əməli bəbe və bəpe cəvonə elitaon ıştə əsli hədəfi elm və texnoloqiya sərhədədə hərəkət karde iyən ım sərhədi bənav barədə ğəror bıdən.

İroni Yolə Rəhbər zinə İroni cəvonə elitaon, dınyo elmi oləmpiyadaonədə vırə kəsb kardə kəson iyən İroni nocıvonon milli kamanda ozvon vindemonədə İroni cıvonə elitaon əğlaniyət, huşinəti iyən nığılə zınə bə təğdiri loyiğ və ım sahədə hərəkət karde qıləy oxoş nıbıəro zınəş be.

Həzrəte Ayətullah Xamenei Ğacar və Pəhləvi dıvranədə bə İroni icbori sorət bə dəvom mande işorə və təkidışon karde: islamiyə inğilobi səbarzəti bəpeştə bə inkişofi tərəf hərəkəton ki dəvardə 20 sori mıddət bə dast ome vest ni və ısət cıvonə eltiyaon muhimmə vəzifə ıme ki elmiyə hərəkəton və inkişofi kənoədə elm və texnoloqiya sərhədi bənav barədə xoto cəhd bıkən.

Ə Həzrət nano texnoloqiyaədə bə İroni barzə vırə işorəşon karde və hamiyəşone: ısət ome nəsl bəpe elmi tojə sahəonədə hərəkət bıkən və bə dəvardə inkişof ruzi nıbun.

Həzrəte Ayətullah Xamenei ijən İronıjə elitaon hədyə doe medalon çokə rəsmi bə təğdiri loyiğ zınəşon be və hamiyəşone: ım medalon bə men doe bə ni bəlkəm qıləy simvolinə rəsme ki az əvoni vinde bəpeştə ijən bə şımə obqardonəm ta şımə tono be mando.