İron və Ğətər bə 2 tərəfi əloğəon inkişof təkidışon karde.

İron və Ğətəri xarıci vəziron bə muxtəlif sahəonədə 2 tərəfi əloğə və həmkarion təkid kardışone.

Bə İrna raporti əsos Muhəmməd Cəvad Zərif və Muhəmməd Bin Əbdul Rəhman Ale Sani ım vindemonədə mıştərikə əloğə və həmkarion barədə və votımon kaardışon.

İroni xarıci vəzir ki zinə bə Ğətər səfərış karde de ım kişvəri rəsmi şəxson muxtəlifə məntəğə və beynəl xalğ məsələon barədə muzakirə bəkay.

Zinə İroni prezident Həsən Ruhani həm de Ğətəri kral Şeyx Təmim Bn Həmd Ale Sani telefoniyə rabitədə həm Tehron-Doha miyono həmkari və əloğəonış dustanə, bənə bıvə və bə inkişofi tərəf hisobış karde ki bəpe siyasi, iğtisodi və mədəni baxşədə çımiku hevuj bıbu.

Ruhani Fars və Umman dıyo iyən Hormuz tanqə əmniyyəti oqəte çı İron və məntəğə millət iyən dıvləton mənafe və inkişofi çərçivədə hisobış karde.

Prezident Ruhani əcumlə Amerkə xarıci ğıvvon hərbi hərəkətonış Fars dıyo noəmnəkə zınəş be ki məntəğə vəziyəti mırəkkəbə əkəy.

Tojədən İroni sepah təşkilati dıyo ğıvvon fərmondə admiral Əlireza Tənqsiri həm sepah təşkilati çı Fars dıyo əmniyyəti təminəkə zınəş be və votışe ki ım koədə bə xarıcion ehtiyocımon ni.