Rusiya bə İroni qətə mevğe barzə ğıymət dodə

İroni de Rusiya arədə strateji həmkarəti rujbəruj zumand bedə. Dəvardə rujonədə Turkmənistoni paytəxt Aşğabodədə Kaspi iğtisadi forum dəvarde.

Rusiya Sər vəzir Dimtri Medvedev de İroni İslamə Respublika iminə vitse prezident Eshağ Cahanqiri vindemonədə atomə muğavilədə bə İroni devləti rəhbəriyyəti qətə mevğe barzə qıymət doşe, ım mevğe zumand və məntiğin hisob kardışe, həmən votışe ki, İbə Ştaton bə çəmə dı qılə devləti təzyiği rujbəruj qivonin kardedən, əmo əmə ıştə mevğeyon bə ico varde muğabilədə çəvon siyasəti təsiri bə kam karde zınedəmon. Eshağ Cahanqiriən ğeyd kardışe ki, Vaşinqtoni bə İroni əleyh elan kardə sanksiyon ğeyri-ğanuni və ğeyri-insoniə mahiyyətış heste. Əvon çe İroni xalği mubarizə əzmi bə kam karde nibəznen. Im xəbə “İran.ru” Rusiya  İnformasiya Aqentiyyəti pevolo kardəşe.

Rusiya Xarici Koon vəzarəti sıxanəvot Mariya Zaxarova ıştə hokuməti bə Amerika siyasəti nəzər jıqo ifadə kardəşe ki, Vaşinqton bə İroni əleyh ıştə munasibəti həniən şiddətin karde ro bo vonə nəvedə ki, Xəlice-Fars məntəğədə qıley canq bino bıkardo.

Muasir İroni omutə mərkəzi direktor Rəcəb Səfərovi bə “Exo Moskvı” radio musahibədə votəşe ki, Rusiya bə Amerika Xəlice Fars məntəğədə hokumranəti iddia orəx bebəşe. Çe Amerika bı əraziədə heqemonə siyasət bə çıvrey həmə keşvər və xalğon mənafe zidde, əmo Rusiya devləti təklif kardə və məntəğə devləton həmməy əhatə kardə Kollektivə əmniyyətə konsepsiya xeyli tərəfdaronış heste və şe-şe muttəfiğon miğdarış həniən vey bedə. Im tendensiyan ey nişon dodə ki, çe Amerika ım məntəğədə ıştə heqemonəti bərğəror karde cəhdon bə muflis məhkume. Rusiya-İron hərbiə dıyoə donanma ğıvvon bahəm təlimon ki, ayəndə manqonədə Xəlice-Fars məntəğə ətrofinə akvatoriyadə nəzərədə qətə bedə, bo dınyo ictimaiyyəti əmniyyəti vey muhummə ım məntəğə tamamən çe Amerika təhdidonku bə xilasi bəvarde bebəkarde.