Dışmen, məntəğə noəmn karde fikədəy.

İroni ərtış dıyo ğıvvon fərmondə bə Asiya ğərb məntəğədə dışmenon xəbisə planon işorəş karde və votışe: dışmen de 2 dimə siyasəton məntəğə noəmn nışo doe fikədəy.

Bə İrib raporti əsos Admiral Husein Xanzadi bə İroni dıyo ğıvvon komilə hozzoəti işorəş karde və votışe: deşmən ki ıştə hərbi qəmion çand sa kilometr İroni sərhədiku diyəro oqətışe karde ni bəzne bə İroni mənafe əleyh təcavuz karde bəpeştə fəror bıkə.

Qeneral Xanzadi bə İroni ərtış dıyo ğıvvon muvəffəğiyət dəvardə i sori mıddətədə çandə dıyo əməliyaton əncom doe işorəş karde və votışe: İroni əvonədə deşmənon hərəkət və fəaliyət de komilə təchizaton ləzə bə ləzə kontrol bıdə.

İroni ərtış dıyo ğıvvon fərmondə bə İroni silohinə ğıvvon miyono komilə vəhdət təkidış karde: İroni silohinə ğıvvon de vəhdət dəvardə dıvraniku vey zumandə İroni milləti kənoədən.