Ruhani:İron suriyədə otəşbasti bərpo beku istiğbal kardə.
https://parstoday.ir/tly/news/iran-i1870-ruhani_İron_suriyədə_otəşbasti_bərpo_beku_istiğbal_kardə.
İron İslam Respublika prezidenti votışe Tehron suriyə məmləkətdə otəşbasti təşkil kardeyu istiğbal bəkay və əlavəş karde bəpe muğət bıbəmon ta otəşbasti devranədə terroriston zumand beyu fursət təşkil nıbo.
(last modified 2025-07-21T04:34:09+00:00 )
Jan 01, 2017 06:10 Asia/Tehran
  • Ruhani:İron suriyədə otəşbasti bərpo beku istiğbal kardə.

İron İslam Respublika prezidenti votışe Tehron suriyə məmləkətdə otəşbasti təşkil kardeyu istiğbal bəkay və əlavəş karde bəpe muğət bıbəmon ta otəşbasti devranədə terroriston zumand beyu fursət təşkil nıbo.

Suriyə məmləkətdə otəşbast cumə ruji təşkil bə. ım otəşbast İŞİD iyən cebhətul nusrə terroristiyə qrupon və bəvon vabəstə bıə qrupo aid ni.

İron İslam Respublika president Həsən Ruhani zinə əsrə vaxti tehronədə de Suriyə xarici koon vəzir Vəlid Muəllim təşkil doə vindımonədə de terroriston mubarizədə məxsusən Hələb şəhrədə Suriyə devlət hərbiyə ğıvvon iyən Suriyə muğavimət kardə millət təbrikış voteədə əlavəş karde Hələb şəhri səbarzəti bə terroriston ım mesajış do ki səhvə roədə ki de cinayət və odəmon kışteədə vıjniyəne bə nəticə ərəs nin.

Ruhani votışe: Hələb şəhri ozod be bəpeştə canqi meydonədə bə terroriston zid əməliyaton təşkil karde iyən siyasiyə fəaliyyətonru əncom doeyu çokə şərayeton təşkil bə və ommidvar mande Suriyə bohrani həl kardeyu omə fəaliyyəton iyən sulh muzakiron bə Suriyə həmmə vıron Dəməşğı hakimiyyəti bois bıbo iyən ım məmləkəti ərazi təmamiyyət hifz bıbo.

Ruhani votışe: İron muğavimətı meydonədə iyən mıxtəlif siyasiyə baxşonədə həmmişə Suriyə milləti kənoədə bəy və omə rujonədə həm bəştə ım tərəfdarəti dəvom bədoy və nəhayətdə Suriyə millət səbarz bəbe.

Suriyə xarici koon vəzir həm ım vindımonədə çı məmləkəti president Bəşar Əsədı təşəkkur iyən səlomış bə ironi devlət iyən millət rosnişe və votışe: şək ni ke həmmə cəhətonədə İron İslam Respublika tərəfdarətion terroriston vədə Suriyə milləti muğavimət bıkə ruhiyyədə veyə təsirış bə.