Rəcayi və Bahunəri şəhodəti sorəqardış, İronədə de terrorizm mubarizə barde milliyə ruj.
Imruj miladi 2019 minnə sori Avqusti 30 və Şəhrivərə manqi 8 de 1981-ə bıə İroni prezident iyən 1 minnə vəziri terror və şəhodəti sorəqardış bərobəre, İronədə ımruj de terrorizm mubarizə barde milliyə ruj ğeyd bıə.
Hicri şəmsi 1360 nə sori şəhrivərə manqi 8 nə ruj, bə zəmonədə bıə ironi prezident Muhəmməd Əli Rəcayi və 1 minnə vəzir Muhəmməd Cəvad Bahunər iyən İroni devlət heyəti i dastə uzvon şəhodəti, bə yod vardedə, əvon İroni 1 minnə vəziri ofis və dəftərədə bomba tıpniye terroristə həmlə vasitə şəhid bıən.
Im tıpımon həmlə Munafeğin terroristiyə qrupi tərəfo əncom be.
İroni İslami inğilobi səbarzəti bəpeştə 17000 nəfəriku vey İroni adi şahrvand və rəsmi şəxson de Munafığin terroristiyə qrupi əməliyoton vasitə şəhid bıən.
Im qurupi uzvon ki əvvəl İronədə bin, çan faxt bə Paris fəror karde bəpeştə bə İrağ şin.
1991 və 1992 nə soronədə Səddam ım terroristiyə qurupiku Kırdon ğətli-am karde xoto istifodəş karde.
De Amerka bə İrağ həmlə karde həmzəman, Munafığin uzvon həm de Vaşinqtoni himoyəon Liberti hərbi bazaədə vırə kardışone ta ım ki İraği bəpeştə və de İnqiltərə iyən Amerkə lobbion vasitə Munafığin bə Albaniya ovoştoniyə bıən ta əyo rohət bə anti İron fəaliyəton dəvom bedən, və hol ım ki Amerkə və İnqiltərə bənə ım qurupi bino və himoyə əkə əvoni ıştə kişvərədə vırə doe xoto rozi nıbin.
Qıle holədə ki İron anədə de terror mubarizə barde xoto şəhidonış təğdim karde, əmoo dışmənon xəbisə planon vədə hiş vaxt təslim bə ni ijən bəştə muğaviməti dəvom dodə.
