De Tasuaye Huseyni mınosibəti səbəsəloməti-İslamiyə İron matəmədəy.

İslamiyə İron Tasuaye Huseyni(ə) şəvədə sərasər sıyo,matəm və əzadarətiədə be.

Əmruj 2 şanbə hicri ğəməri 1441 minnə sori Məhərrəmə manqi 9 nə ruj Tasuaye Huseyni(ə) ruje.

Huseyniyə əzadarəti İslamiyə İroni sərasərədə Tasua və Aşuraye Huseyniədə de əzadariyə mərasimon bərpo karde dınyo şiəyon 3 minnə İmom Həzrət İmom Huseyn(ə) və həzrəti vəfodorə əshab mincumlə ə yolə İmomi əzizə bıvə Həzrət Əbuzfəzl(Ə) şəhodəti sorəqardışi əziz qətedən.

dınyo şiəyon 4 minnə İmom İmom Səccad(ə) Həzrət Əbulfəzl Əbbas(ə) məğami tərifədə votışe:çıman amo Əbbas Həğiğətən ıştə coniku dəvarde və ıştə conış bıvə roədə fidoş karde jəqo ki çəy kəşon ğət bin.

çandə əsr Kərbəlo norohətəkə hadisə iyən Həzrət İmom Huseyn(ə) vəhəzrəti vəfodorə əshabi şəhodətiku dəvardedə ,ne ım ki ım hadisə əhəmmiyyət və erjiku kam bə ni bəlkə ha çəxtə dəvardedə Aşura mesaj inkişaf kardedə və əzadariyə mərasimon de veyə şur və həyəcav iyən aqahəti bərpo bedə.

İslamiyə İroni mominə millət və əhle beyt(ə) aşığon Məhərrəmə manqi əyyamədə məxsusən Tasua və Aşuraye Huseyni(ə) şəv və rujədə Huseyniyəon,məçiton,Məşhəd şəhrədə dınyo şiəyon 8 nə İmom İmom Rıza(ə) pokə hərəmədə iyən  Ğom şəhrədə Həzrət Məsumə(s) pokə hərəmədə əzadarəti kardən.

dınyo şiəyon 3 minnə İmom və həzrəti vəfodorə əshab hicri ğəməri 61 minnə sori Məhərrəmə manqi 10 nə ruji kərbəloədə bə şəhodət rəsin.