İron məntəğədə bıhran icod karde pidəş ni.

İroni xarıci vezarətxonə sıxənəvot votışe: İron anədə zumande ki əqə qıləy ko əncom bıdə çəy məsuliyəti bə ehdə pebəqəte.

Seyed Əbbas Musəvi bə Əlaləm kanali votışe: Ərəbistonədə Yəməni tojə hərbi muvəffəğə əməliyoti bəpeştə anti İron ittihamonku illət ıme ki əvon Yəməni məzlumə milləti mudafiə ğudrəti bıvə əkə nin.

İroni xarıci vəzarətxonə sıxənəvot bə Yəmənədə Ərəbistoni cinoyəton xusosi bə hırdənon, məktəbxonə və noxəş xonəon həmlə karde vədə umum iştimaiyəti sukuti tnğidış karde və və votışe: Yəməni məzlumə millət bəpe təcavuzkaron vəy qəte xoto ıştəniku mudafiə bekon.

Musəvi təkidış karde ki İron de məntəğə xeyr, stabiləti və əmniyyəti həmohənq ıştə nufuziku istifodə kardedə və votışe: de terrurizm mubarizə barədə sahədə məntəğə ədə İroni kəşə zəhməton bə həmmə məntəğə və dınyo kişvəron aid be.

Tojədən İroni xarıci vəzir Muhəmməd Cəvad Zərif həm bə NBC kanali votışe: əqə anti İron canq bino bıbu qıləy əzəmətinə canqi bois bəbe ki təcavuzkaron vert və məhv bey bois bəbe.

Zərif təkidış karde ki İron canqtələb ni və məntəğə ədə hərbi daveon xoto cəhd ni bəkarde.