İ bə milləton umumiyə assmbıleya iclosi kənoədə Ruhani və Məkroni votımonon.

İron İslam Respublika prezdent Həsən Ruhani və Fransə prezdent Emanoel Məkron zinə əsrə vaxti İ bə milləton umumiyə assambıleya 74 nə iclosi kənoədə niyuyurkədə vindımonışon dəvoni.

Bə Parstoday xəbon əsosi Ruhani və Məkron ım vindımonədə mıxtəlif baxşonədə 2 qılə məmləkəti rabiton və həmkarətion inkişaf iyən beynəlxalğə 2 tərəfə həmkarətion ve kardeku işarəşon karde və Fransə iyən atom sazışədə coqlə mandə tərəfon fəaliyyəton kırtə məsəlon həxədə ki atom sazışi hifz və əçəy vədəon icra karde ki qıləy can cəhətə və beynəlxalğə sazış heste muzakirəşon karde və bə məntəğə probleminə şərayeti diğğət doeədə Fars dıyo məntəğə əmniyyəti hifz kardeyu ki "Hormozı sulh plani" nomo çəyku yod bedə və prezdent Ruhani tədbire,votımonışon dəvoni.

prezdent Ruhani ım vindımonədə bə atom sazışi coqlə tərəfon mincumlə Fransə vəzifə iyən məsuliyyəton çı beynəlxalğə muhimmə sazışi hifz kardeyu ,ğeyre ğanoni və İ tərəfə sorətədə Amerkə xaric be bəpeştə işarəş karde və Fransə,Britaniya və Almaniya məmləkəton 2 şanbə rujnə bəyonotış bə İron İslam Respublika zid be əsosə bıhtonış zınə və çəyku tənğidış karde.