İroni Yolə Rəhbər: Avropa vədəon puçin.

İroni Yolə Rəhbər Amerkə və Avropa anti İron hərəkəton miyono farği rədış karde və votışe: Avropa zohirədə bənə vositə əməl kardedə iyən dırozə sıxənış heste əmmo əmələdə çəvon vədəon puçin.

İroni Yolə Rəhbər zinə sıb İroni Xobreqan Rəhbəri aliyə şura uzvon cəmədə İroni kişvər, siyasiyə vəziyət, inğilobi iğtidor, məntəğə şərayet iyən muğəddəsə dərson barədə komilə təhlili bəyon karde bəpeştə təkidış karde: kişvərədə inkişof de bə Xıdo təvəkkol karde, muğavimət, bə tale umidvar bey, bə cıvonon xusosi inğilobiyə cıvonon xatir cəm bey, vəhdət xusosi inğilobiyə cəmaəton miyono i bemon, daxıli məhsolonku həğiğiyə himoyəon və bə xarıci kişvəron peşt və pur nımande vositə əməli bıdə.

İroni Yolə Rəhbər ğərəz Amerkə və sionist rejim bə de co kişvəron muzakirə və həmkari karde təkid və əlovəş ka: hiç faxt bəpe bə İroni nizomi məşhurə deşmənon xusosi Amerkə iyən çand qılə Avropa kişvəron etimod nıbu boçi ki çəvon dastədə de İron sə rostə forma deşmənti karde boydığ heste.

Həzrəte Ayətullah Xamenei ətomiyə sazışi barədə Avropa rəftori barədə hamiyəşone: Avropa ıştə vədəon əks tam bə Amerkə sanqsiyaon bəfodor mandış və əmələn hiçku əncom doeş ni; ijən ni bəkarde; çən bəpe tam Avropaku nomid bebəmon.

İroni Yolə Rəhbər Avropa 11 qılə ehdemonon əmələn bə kəno mande barədə əlovəşon karde: əvoni ki muzakirə kardışon ıştən etırof kardən ki Avropa bəştə hiç qılə ehdemonon əməlış nıkarde və ım məsələ nışo doyə qi bə ğərb hiç mıvzo barədə etımod karde coiz ni.

Həzrəte Ayətulah Xamenei, kişvərədə koon cərəyoni de həmmə deşməntion vucodi bə İroni nizomi mənafe əsos zınəş be və votışone: ımruj İroni inğilob 40 bənaviku hiç, dəvardə 10 sori muğaisə ədə həm vey zumand bıə, anədə ki məntəğə ədə çəy iğtidor ro siyasəton nığıl iyən rişədor bey moşahidə kardedəmon.