Musəvi: məntəğə kişvəron oğo bıbun ki əmniyyəti hırye əbı ni.

İroni xarıci vəzarətxonə sıxənəvot bə məntəğədə bumi əmniyyəti zərruriyat təkidış karde.

Seyed Əbbas Musəvi zinə ıştə xəbə iclosədə votışe: İron məntəğə ədə sulh, əmniyyət, stabiləti və inkişofi pidəşe və etığadışe ki ım məsələ nə xaric bəlkəm məntəğə həmkarion vasitə əməli bəbe.

Musəvi Ərəbistoni anti İron ittihamon barədə həm votışe: Yəmən vey şiddətinə muhasirdəy anədə ki humanitarə koməkon vığande imkonış ni çən çoknə İron karde bəzne bə Yəmən silah bıvığandi.

İroni xarıci vəzarətxonə sıxənəvot Yəməni bıhraniku Ərəbistoni xilos bey yeqanəro otəş basti ğəbul və Yəməni muhasirə ləğv karde zınəş be ta qədə qədə bə Yəmən humanitarə koməkon vığande imkan icod bıbu.

Musəvi Əfğanıstani səçın rəğabəton barədə həm votışe: İron əmn və stabilə Əfğanıstani pidəşe və ım kişvəri dıvlət iyən milləti demokratik hərəkəton himoyədorəti bəkay.

Əv Əfğanıstanədə sulh iyən stabilə vəziyəti icodəkə yeqanə şivə de həmmə siyasi qrupon və cərəyanon muzakirə karde əv həm mərkəzi dıvləti nəzorəti jentonədə zınəş be.

Musəvi ətomiyə sazışiku Avropa xaric bey ehtımaliyə siyasəton barədə həm votışe: İron bə muğavilə əsos karde bəzne ıştə ehdəmonon kam bıkə, liza bə Avropa təhdidon eteno və diğğət ni bəkamon.