Ərbəin Huseyni şemon hərarətin bərpo bəbe.

Tehroni zinə ruji cumə nımoji xətib bə İrağədə nooromə vəziyət iyən iğtişoşonədə bıə deşmənon rol işorəş karde və votışe: deşmənon pidəşone bo Ərbəin Huseyni milyoniyə şemoniro muzahim bıbun, əmmo ım şemon dəvardə soron muğaisədə vey hərarətin bərpo bəbe.

Ayətullah Muhəmməd Emami Kaşani Tehroni ım haftə cumə nımoji xotbəonədə dınyo şiəyon 3-minə İmom Həzrəte İmom Huseyn(ə) boydeği de zılm mubarizə barədə boydeğ bəyonış karde iyən votışe: Amerkə və sionist rejim de xəbisə plani həğiğəton puşniye pidəşone.

Ayətullah Emami Kaşani ijən bə təcavuzkaron vədə Yəməni məzlumə milləti səbarzətion işorəş karde və votışe: Yəməni milləti səbarzətion Ale-Səud rejim iyən çəy himoyə əkəyon be abruş karde.

Tehroni zinə ruji cumə nımoji xətib bə İroni milləti əleyh Amerkə makzimum fişaron barədə həm votışe: de İroni milləti muğavimət, deşmənon makzimum fişar bəmakzimum rəsoçiti əvəz be.