Bə İron Ərbəin Huseyni zairon daxil bey dəvom kardedə.

Ərbəin Huseyni xarıci zaironku co qrupon həm bə Ardəvil varid bıən.

Bə İrna raporti əsos, detosə bə ısət 2000 zair xarıciyə ətbaeku bə Kərbəlo səfər karde xoto Biləsəvar sərhəddiyə terminaliku bə Ardəvil varid bıən; ım zairon vey ni Rusiyə, Qurcıstan və Azərbaycan Respublika şəhrvandonin.

Bə elanon əsos ımsor ım terminaliku bə İrağ səfərəkə zairon miğdor 12 həzo nəfəriku həm vey bəbe.

Məşhədiku həm xəbə ome ki har ruj 2 həzo nəfəriku vey Əfğaniyə zair, Ərbəin Huseyni şimonədə iştirok karde xoto Doğaron sərhəddiyə terminaliku bə İron varid bıdən.

Har sor çand milyon zair çand ruj bə İmom Huseyn(ə)-i Ərbəin mande bənav Nəcəf şəhriku de piyodə lenqi bə Kərbəlo tərəf hərəkət bəkan ta Həzrəti pokə mərğədi ziyorət bekon.

ha sor bə 800 həzo nəfəri nezi daxili və xariciyə musafir çı sərhəddiku şe-ome kardən.

Huseyniyə Ərbəini piyodə şemon ki mıslmonon tədbirədə icra bedə Kərbəloədə Ərbəinə ruji bəştə əzəmət iyən şur və həyəcani barzə səth rəsedə və dınyoədə həmməysə yolə qırdbemone.