İron bo ətom bombaon soxte iyən oqətero xərcəkə ni.

İroni Yolə Rəhbər bə İroni ciddi iyən zumandə nəzər şərei cəhəto ətom bombaon hərom bey işorəş karde və votışe: qıləy şərayetədə ki əmə ım sahədə dəşe əznimon be əmmo bə islam dini əsos ətom bombaon hərom elan kardəmone, çən hiç faxt qıləy həromə koədə xərcəkə nimon.

Həzrəte Ayətullah Xamenei zinə çand həzo İroni cıvonə eltiyaon vindemonədə əlovəş karde: İroni islamiyə inğilobi hınə ım be ki bə saxtə meydonon varid bey xoto xusosi elmi inkişofədə bə cıvonon xatircəm be, anədə ki ısət İroni elmiyə hərəkəton hətto deşmənon etırof və təeifon bois bıə.

Əv votışe: kişvəri muxtəlif baxşonədə elmi zərfiyətonku istifodə karde İronədə mudafiə ğudrəti ziyod bey, təyeb və dəvo-damon sahədə inkişof, texnoloqiya cəhəto bənav hərəkəton, nano texnoloqiya və ətomiyə fəaliyəton ovzavziyə bois be.

İroni Yolə Rəhbər dınyo elmiyə inkişof meydonədə İroni hərəkəton qıləy lazimə ko zınəş be və bə İroni cıvonə eltiyaon viyə ənqizə və şoğ iyən ruhiyəon zərfiyəton təkid karde və votışe: İroni har qılə cıvonə elita çı İroni sərzəmini i poəy ki bəpe çəvon problemon həl karde xoto eltiyaon stratejik loyhə hozzo və təsdiğ bıbu.

Həzrəte Ayətullah Xamenei bənə dəvardə əsri İroni yolə mədəniyəti sohib bıə kişvəron eltiyaon yande kənoədə cəmədə qıləy lazimə ko hisobış karde və hamiyəş: de Asiya ğərb, islam dınyo muğavimət mehvər və hətto dınyo həx tələbə kişvəronədə bıə eltiyaon əcumlə Amerkə və Avropa cıvonon əloğə oqəte karde bəzne de təşkilaton icod karde pok və şərofətin iyən çokə əndişəon rəvoc bıdə.