Ruhani:deşmenon fitnəqərə hərəkəton bə İron ziyan rosneyu məğlub bə.
İron İslam Respublika prezdenti votışe:İron de huşinə hərəkəton və mığavimət bə bıhron mandə şərayetiku dəvardəy və əlavəş karde Amerkə,sioniston və məntəğə mırtəciə məmləkəton fitnəqərə hərəkəton bə islamiyə İron ziyan rosneyu de məğlubiyət dim bə dim bən.
İron İslam Respublika prezdenti votışe:İron de huşinə hərəkəton və mığavimət bə bıhron mandə şərayetiku dəvardəy və əlavəş karde Amerkə,sioniston və məntəğə mırtəciə məmləkəton fitnəqərə hərəkəton bə islamiyə İron ziyan rosneyu de məğlubiyət dim bə dim bən.
İron İslam Respublika prezdent Həsən Ruhani zinə əsrə vaxti de ,daxili və beynəlxalğə jurnaliston təşkil doə iclosədə işarəş karde atom sazışədə Amerkə,daxiliyə radikalə tərəfon,sionist rejim, və Ərəbıstoni təziğon xoto atom sazışiku xaric be və əlavəş karde İron İslam Respublika desbə ısət,atom sazışədə ıştə vədəon kam kardeyu 3 qılə ğədəmış peqətə və əqər atom sazışədə coqlə tərəfon bəştə vədəon əməl nıkən.təəhodon kam kardeyu İroni coqlə ğədəmon icrayi bəben.
İron İslam Respublika prezdenti əlavəş karde əqər bə İroni zid ğeyre ğanoniyə sank siyaon peqətə bıbon və 5+1 muzakirəyu şərayet hozzı bıbo ,Tehron ha məmləkətədə muzakirə kardeyu hozzıy.
Prezdent Ruhani eyne holədə votışe:məntəğə məsəlon bəpe məntəğə məmləkəton tərəfo həl bıbon və əlavəş karde məntəğə və dınyo həmmə məmləkəton bəpe bıznon ki məntəğədə no əmni icod karde bə İron İslam Respublika zid təziğ nışon doe məno ni bəlkə bə dınyo əmniyyət və ixtisad təziğ nışon doeye.
İron İslam Respublika prezdent cumə ruji Ərəbıstonı sahilı neziədə İroni tankeri hədəf ğəror doeku işarəş karde və votışe:oşkoə məsələ ıme ki qıləy rejim ım ko bəzi məmləkəton koməkətiədə əncomış doə və ha məmləkəti ki ım koş əncom doə bəpe çəy nəticə intizarədə bıbo.
Prezdent Ruhani eyne holədə,Suriyə şimal hissədə ısətnə şərayeti vəy qəteyu bə İroni tədbiron işarəş karde və votışe: Tırkiyə əmniyyəti həl karde və çəy niqəranətion arəku barde ro,Suriyə silahinə ğıvvon huzur ım məmləkəti şimal hissədəy əmmo Tırkiyə bə Suriyə ərazi daxil be qıləy çokə hadisə ni və bəpe Astanə muzakiron ro dəvomiyu cəhd bıbo.
