İroni dışmenon oxo qiriftori iyən beabruçəti bəbe.

İroni həmmə silahinə ğıvvon ğərorqo rəis votışe: İroni dışmenon oxo İroni əmniyyəti təminəkə ğıvvon tədbiron vədə qiriftor bəben.

Qeneral Muhəmməd Bağıri qıləy mesaji vasitə bə Aməd Niyoz nomo bıə anti inğilob mediya və sayti sərkərdə dəstqir karde xoto İroni sepah təşkilati dəğiğ iyən zumandə əməliyoti bə təğdiri loyiğ zınəş be və votışe: ım əməliyot ijən ğərb xusosi Amerkə, sionist rejim və Fransə kəşfiyot təşkilaton vədə İroni sepah təşkilati kəşfiyot baxşi zumandəti və əhatə sobotış karde.

Qeneral Bağıri təsdiğış karde: ım anti cəsosəti əməliyot i tərəf İroni milləti fəxr və co tərəf İroni daxıli və xarıci deşmənon dılədə heyrət və təəcubi bois bıə.

İroni sepah təşkilat tojədən de bəyaniyə vasitə elanış karde ki Aməd Niyoz nomo bıə anti inğilob mediya və sayti sərkərdə Ruhəllah Zəm ım təşkilati dəğiğə əməliyati vasitə dastqir bıə.