Bə İroni nat kırnə tankeri həmlə əkəyon peşmonəkə reaksiya nışo bədamon.

İroni milli əmniyyət aliyə şura votışe: bə məntəğədə bıhran icodəkəyon ciddi tənbeəkə reaksiya nışo bədamon.

Bə İrna raporti əsos, Əli Şəmxani Tehronədə de Suriyə koonədə Rusiyə prezidentəti nımoyəndə Əleksander Lavrentiyovi vindemonədə bə Asiya ğərbədə bo İŞİD terroristiyə qrupi ijən bəji kardero Amerkə xəbisə plani işorəş karde və votışe: kişvəron bəpe ım plani barədə həmohənq və huşin bıbun.

Şəmxani bə Suriyə Tırkiyə təcavuzi məhkumış karde və votışe: har curnə hərəkət ki məntəğə ədə bıhranon icodəkə bıbu bəpe rə bə oxo bırəsi boçi ki məntəğə ədə canq və bıhran fəğət Amerkə və sionist rejimi mənafe çərçivədəy.

İroni milli əmniyyət aliyə şura terrorizmi vədə 2 dinə standard və rəftoronış məhkum və təkidış karde: Suriyə Edleb məsələ bəpe de terrorizm mubarizə barədə i minə mıvzoe təğib bıbu.

Suriyə koonədə Rusiyə prezidentəti məxsusə nımoyəndə Əleksander Lavrentif həm ım vindemonədə Suriyə şimol məntəğə ədə oxonə təhəvolaton barədə votışe: Tehron Moskva miyono həmkarion karde bəzne məntəğə ədə stabiləti və zumandə əmniyyəti qarantiyaəkə bıbu.