Amerkə ğeyre ğanoniyə holətdə İroni yolə alimış dastqir kardə.

Dr Məsud Soleymani İroni yolə muhəğğiğonkuy ki Amerkə devlət əvış bə qirov qətə. əv bınəynə hujeyrəon baxşədə Tehroni Tərbiyəte Mudərres nomo bə ali məktəbi ostade

Dr Məsud Soleymani İroni yolə muhəğğiğonkuy ki Amerkə devlət əvış bə qirov qətə. əv bınəynə hujeyrəon baxşədə Tehroni Tərbiyəte Mudərres nomo bə ali məktəbi ostade. Dr Suleymani 1 sor çimi bə nav qıləy elmi və təhğiğatiyə səfəriyu bə Amerkə şe. Dr Məsud Suleymani elmi cəhətdə dınyo etıborinə elmiyə jurnalonədə dınyo 1 faizə yolə alimon siyahiədəy. Im İronıjə alim ki Hematoloji və bınəynə huceyrəon baxşədə təhğiğat kardə Amerkə Mayuklinik nomo bıə muəssisə tərəfo ki dınyo tib elmonədə muhimmə mərkəzonku bə hisob omedə təxəssusiyə təhğiğaton əncom doeyu bə Amerkə səfərış karde əmmo Amerkə devlət bə İroni zid Amerkə sak siyaon darışte pesoxtə bə ittihamədə Dr Suleymaniş dastqir karde. Dr Suleymani məhkəmə har qılə hıkmiku bə kəno ısət həm Amerkə zindonədəy. Amerkə FBİ ,Amerkə ım ğeyre ğanoniyə hərəkəti vədə heç qılə məsuliyətış ğəbul kardə ni. Amerkə devlət desbə ısət ım alimi dastqir karde həxədə heç qılə rəsmiyə məlumatış nəşr kardə ni. Yanion sərzəmin İroni ım nımonə alimiyu qıləy batallığ bə.