Vəhdət haftə dəme və İslami əzizə peyğəmbər(s) viladəti sorəqardışi mınosibəti təbrik
Imruj 1 şanbə hicri ğəməri 1441 minnə sori rəbiuləvvələ manqi 12 bərobər de miladi 2019 minnə sori noyabri 10 bə qıləy rəvoyəti əsosi islami əzizə peyğəmbər Həzrət Muhəmməd Mustəfa(ə) viladəti sorəqardış və vəhdət haftə bino bey.
Imruj 1 şanbə hicri ğəməri 1441 minnə sori rəbiuləvvələ manqi 12 bərobər de miladi 2019 minnə sori noyabri 10 bə qıləy rəvoyəti əsosi islami əzizə peyğəmbər Həzrət Muhəmməd Mustəfa(ə) viladəti sorəqardış və vəhdət haftə bino bey.
Sınnion rəbiuləvvəli 12 və Şiəyon ım manqi 17 minnə ruji islami əzizə peyğəmbər(s) viladəti sorəqardış zındən.
Mərhum Həzrət İmom Xumeyni islamiyə İroni təsis əkə ki ıştən islam dınyoədə vəhdəti nido rostkardəkəsonku be çı məsələku islamiyə qrupon vəhdət və nez beyu istifadəş karde və ım 2 qılə tarixi fasilə yəni rəbiuləvvəli 12 ku desbə 17 minnə rujış Vəhdət haftə nomış no.
Im haftə çoku fırsəte ta islam dınyoədə vəhdət və həmdıləti məxsusən ım zəmonədə ki fitnə və nooroməti ve bə de veyə diğğət təhlil bıbo.
Hərçənd mıslmonon de mıxtəlif məzhəbon bəzi nəzəron və hıkmonədə mıxtəlif nəzəronışon heste ,əmmo ve mıştərəkə bovəon mincumlə vahidə Xıdo,osmoniyə kitob,peyğəmbər və vahidə ğıblə ğəbul kardən.
Eyne holədə mıslmonon muhimmə ibadəton mincumlə nımoj,həc,zəkot və sayiyə mevzoonədə vahidə nəzərışon heste.
İron İslam Respublika telerədyo Vəhdət haftə dəme mınosibəti ki islami əzizə peyğəmbər(S) viladətəndə novrani bə,ım mubarəkə mınosibəti bə dınyo həmmə mıslmonon məxsusən həmzıvonə tolışon təbrik votdə.
