İron bə məntəğə kişvəron milli hakımiyəti təcavuz karde məhkum bəkay.

İroni xarıci vəzarətxonə sıxənəvot votışe: İron bə məntəğə kişvəron milli hakımiyət iyən ərazi təmamiyyəti təcavuzi məhkum bəkay.

Seyed Əbbas Musəvi Tırkiyə prezidentəti tojə be məno sıxənon barədə əlovəş karde: İron və məntəğə dostə kişvəron miyono əloğəon kənoədə xusosi İron və Tırkiyə həmkarion jentonədə əmmo İron hiç faxt ıştə əsli vindemon və prinsipiku dastəkəş ni.

İroni xarıci vəzarətxonə sıxənəvot İraği etırazon bə İron varid bey barədə Rəcəb Təyyeb Ərdoğani suhbəton iyən barədə peştədə bıə macəraon ifşo bey qıləy holədə hərəkət bə hisobış varde və votışe: jıqonə sohbəton i cor dırıstə nota be ki məntəğə kişvəron bəpe çəy barədə huşin bıbun.

Əv İraği barədə təkidış karde: İron İraği daxıli koonədə mıdoxiləkə ni əmmo bəzion İraği etırazonku sue-istifodə karde pidəşon be.

Musəvi ətomiyə muğavilə çərçivədə Avropa və Amerkə tojə iddea və bə İron fişar vard barədə həm votışe: əvon ım sahədə ijən fişar varde və İroni təhdid karde əzı nin boçi ki İroni rəftor iyən siyasəton bə ətomiyə muğavilə maddon əsos be.

Əv ijən bə muzakirə ki bə və metodiku istifodə təkidış karde və Avropa maliyə mexanizmi barədə votışe: ım sistem hələ icra bə ni ki əlbətə əv həm yolə planon icraəkə əbzare ki bəpe çəy faxtədə istifodə bıbu ki detosə bə ısət be foydə be.

Seyed Əbbas Musəvi İroni tojə ətomiyə ehdəmonon kam bey bəpeştə Fransə prezidntəti əsəbin bey barədə həm votışe: ım rəftor dərk kardə nine boçi ki əvon i tərəf İroni ciddi bey və co tərəf ıştə be əmələ siyasəton barədə sukut karde vindeşone.

Əv ijən bə diplomatik səy-cəhdon dəvom işorəş karde ki ome 2 manq dəvom peydo bəkay ta Avropa bəştə vədəon əməl bıkə.