5000 nəfəriku vey İronədə bə koronavirusi mıbtəlo bıə kəson çok bin.

İroni səhiyyə vəzarətxonə elanış karde ki detosə bə ısət 5389 nəfər İronədə bə koronavirusi mıbtəlo bıə kəson çok bin və noxəşxonəonku ozod bıdən.

Bə İrib raporti əsos İronədə 16169 nəfər həm bə koronavirosi mıbtəlo bən ki de təəssufi bə həzo nəfər nezi mardən.

İronədə de koronavirusi mubarizə barde meydonədə fəaliyəton de şiddət və ciddi dəvom kardedə iyən xəbə ome ki noxəşon çı səlomətə şəhrvandon co karde planədə detosə bə ısət 18 milyon İronıjiku soal və çəvon vəziyət kontrol bıdə.

İroni terminalon, ayrporton və osonəro stansiyaonədə həm məxsusə kontrol və manitor bərnaməon çı koronavirusi noxəşon peydo karde çərçivədə dəvom kardedə.

İroni ərtış zəminiyə ğıvvə fərmondə qeneral Kiyomərs Heydəri həm zinə təkidış karde ki de koronavirusi mubarizə barde meydonədə İroni hərbiçiyon fəaliyət və manevr ijən dəvom kardedə.

Diplomatik sahədə həm İroni xarıci vəzir Zərif de koronavirusi mubarizə barde bərədə zinə şəv de İsveç,Cənubi Afriqa və Koveyti xarıci vəziron telefoni sohbətış ka.

Moskvaədə İroni səfir Kazım Cəlali həm de Rusiyə xarıci vəziri muavin iyən Bişkekədə İroni səfir Səed Xərazi de Ğırğizıstani parlamenti rəis koronavirusi rəvoci vəy qəte barədə votımon kardışone.

Xəbə ome de koronavirusi mubarizə barde xoto Tırkiyəku həm homanitarə koməkon bə İron varid be.