Zərif: bə Amerkə anti İron sanksiyaon əməl nıkarde lozime.

İroni xarıci vəzir de koronavirusi mubarizə barde zəmonədə Amerkə sanksiyaon tənğidış karde və umum iştimaiyətiku tələbış karde ki bə Amerkə anti İron sanksiyaon əməl nıkon.

İroni xarıci vəzir Muhəmməd Cəvad Zərif zinə ıştə Twitter mesajədə bə İronədə iğtisodi və səhiyyə cəhəto problemon iyən de koronavirusi mubarizə barde meydonədə mışkilatoni ki Amerkə sanksiyaon xoto icod bıə işorə və təkidış karde: Amerkə həğiğətən İronədə be qınohə cəmaəti kıştə bois bıdə.

Zərif bə ım təhrimonku təbəiyətəkə kişvəron xətob votışe: jıqo sukut karde və Amerkə be ğanunə siyasəton təməşo karde qıləy ğeyri əxloğiku bə hisob oydə fəğət ome zəmonədə çəvonku nifrət peydo karde bois bəbe.