Əmir Cahanşahi:De dışmeni dimbədim omeyro tam hozzımon

Pars Tudey-İroni İslomi Respublikə Hışkə Ləşkəri komandani votəşe:Vohidon sistemon,təchizoton, silohon,de sursaton təchiz kardey və çı ğıvvon canqi ğabiliyyəton həni həm vey kardey dəvom kardedə.

Bə Pars Tudey bə İroni Tele-Rədyo Korporasiya istinodən doə məlumoti əsos,çe İroni İslomi Respublikə Hışkə Ləşkəri komandani briqada qeneral Əli Cahanşahi bə jurnaliston bə İroni cənub-şərğədə vağe bıə vohidon kardə səfəon işorə kardə holədə votəşe:In vohidon vey zumand və bə oruzu bıə rufi iyən motivasiya malike və əvon ıştə missiyaon de fədokorəti,sədoğət və ıştə coniku dəvardey rufi bə vırə rosneydən.qırd bın əraziyonədə çəmə ğıvvon de tammə oğoəti və de barzə hozzıəti çe hodisə vırədəy.Briqada qeneral Cahanşahi təkidış kardə:Silohinə ğıvvon de əzizə İroni xalği deştə xunon əhdışon bastə və bo kişfəri mudafiyə kardero deştə conon bəsə poysə mandən.İslomi İroni əmniyyət,mıstəğiləti və ləyoğəti xandi kardey çəmə deştə qırd ğəlbi sadığ bıə qıləy vəzifəy. Iştə nıtği coqlə hissədə Əv,bə İroni İslomi Respublikə Hışkə Ləşkəri prioriteton işorə kardə holədə votəşe:Çəmə həmməysə vocibə prioritet canqi ğabiliyyəti dəvominə şikilədə təkmil kardey və vohidon hozzıəti vey kardeye.Boçımi əsos,bo mıdofiyə ğabiliyyəton inkişof doeyro mıdofiyə sənaye,elmi əsosinə şirkəton,çe İroni elitaon və ləşkərədə ıştənitəmin kardə cihodi qrupon imkononku istifodə bəkardemon.