Moskvaədə İroni hınə nımoyeşqo oj bemon

Pars Tudey- dasti sənaye və təcəssomi hınəon baxşədə İroni hınə soyb bıə kəson əsəron nımoyeşqo ki “Minab 168” nomo mədəni yolə kərvoni ğəlibədə və de “Rusiyədə İroni rujon” bərpo bey hədəfi bə Moskva səfəşon kardə bin, qıləy mərosimədə və Rusiyə dərostey hınəon milli muzeyədə de mədəniyət və İslomi irşadi vəziri iştiroki oj bıə.

Bə Pars Tudey raporti əsos ki İrnaku nəğlış kardə be həminə nımoyeşqoədə İroni hınə soyb bıə kəsonku təcəssomi hınəon baxşədə 10 qılə və dasti sənaye baxşədə 13 qılə erjinə əsəron bə nımoyeş doə bıə, həminə əsəron ğəşənqətion anədə be ki Rusiyə mədəni vəziri muavin qıləy sıxanonədə, Moskva millət və turistonku dəvətış karde ki həminə nımoyeşqoku vindemon bıkon.