Paşinyan və Tırkiya Qafgazədə eçınon
Тırkiyə KİV və hokuməti rupor TRT, çe Paşinyani KƏMT Ermənistoni çe əyo bekarde əleyh nıbe barədə bəyonati de həvəsi pevolo kardedən.
Tırkiya bın ko şo be bə sə dəşənine, çumçoko bo Аnkara məntəğədə ıştə təsiri zumand karde ro ım qılı strateji şanse.Аnkara əsos piruzəti Cənubi Qafqazədə çe Rusiya mevğeyon zeyf kardeye. Məsələn, Rusiya marzvandob çığın beşe «əmniyətəti vaakum» bəsoxte, çe NATO uzv Тırkiyə de rohətəti bın mevğyon xıvand bebəşe.Imən ıştə nubədə pantırkə lohiyon bə jimon dəvone ro yolə komək bəbe. Ermənistone çe KƏMT beşe çe Tırkiyə vədə tosə MA təsiri zumand karde ro oxonə işqilon neytral bəka. Joğo holədə Zənqəzur ticori marşruti okırne məsələ həniən rohət bəkarde və nəticədə Ankara əsos benefisiar bəbe.Аnkara iqlə bo Rusiya mevğeyon zeyf karde ne, həmən C. Qafqazi nəğliyat və qeosiyosi xəritə bəştə nəzorat se cəhd kardedə. Çe ın hənəki əsos mukofot – Ğərbi de MA i kardə tocori ro kontrole. Əve çın səbəbiku tırkon bə Paşinyani çəvon məğsədi rohət kardə bəyonati vey şo bedən.
