İroni ərteşi sıxanəvoti votışe: deşmen de tojə hərbiyə təcavuzi veyə ziyan bəvinde

Bə Pars Tudey xəbəron əsosi İron İslom Respublika ərteşi sıxanəvot Asiya ğərb məntəğədə Amerkə probleminə vəziyyətiku xəbəş doə və təkidış kardə ironi ərteş həmmə curə deşmenədə mubarizə bardeyu hozzıy.

Bə telerədyo aqentəti nəğli əsosi Pars Tudey xəbəş doə İron İslom Respublika ərteşi sıxanəvot qeneral mayor Əkrəminiya ironi vədə Amerkə xumə xiyolədə bıə prezdenti səhvə təhlilonku işorə kardeədə votışe:Tramp fikış kardə bə həmas və livani hizbullah zərbə jeədə və Suriyə suğut kardeədə bə ironi ərazi hərbiyə təcavuzonru şərayet hozzıy əmmo ərteş və sepah de amerkə-siyonistiyə deşmeni canqədə çəvon hərbiyə maşini navış qəte.