İronədə 7000 nəfər nezi bə koronavirusi mıbtəlo bıə kəsonku çok bin.

İroni səhiyyə vəzarətxonə elanış karde ki detosə bə ısət İronədə 6745 nəfər bə koronavirusi mıbtəlo bıə kəsonku çok bin.

Bə ım raporti əsos İronədə bə 20000 nəfər nezi koronavirusi qəteşone ki çəvonku de təəssufi 1433 nəfər mardən.

Əmmo İronədə de koronavirusi mubarizəon ijən dəvom kardedə və xəbə ome ki təğribən 28 milyon nəfər İronıjə noxəşon çı səlomətə şəxsonku co karde məxsusə plani çərçivədə çəvon səlomət kontrol be.

İroni səhiyyə vəzir Səed Nəməki həm zinə de qıləy məktobi, İroni silohinə ğıvvon və hərbi təşkilaton bə İroni səhiyyə vəzarətxonə koməkon bə təğdiri loyiğ bə hisobış varde.

De koronavirusi mubarizə barde meydonədə diplomatik fəaliyəton həm dəvom kardedə: ım məsələ çərçivədə İroni xarıci vəzir Muhəmməd Cəvad Zərif de İ Bıə Milləton Təşkilati rəis, Ğırğizıstani xarıci vəzir iyən Yaponiya xarıci vəziri telefoni votımon və  sohbətış karde.