İronədə bə Koronavirusi mıbtəlo bıə kəson çok bey dəvom kardedə.

İroni səhiyyə vəzarətxonə elanış karde ki detosə bə ısət 64843 nəfər İronədə bə Koronavirusi mıbtəlo bıə kəsonku çok bin.

Bə İrib raporti əsos dəvardə 24 saəti mıddətədə 1030 nəfər Koronavirusi qəteşon ki de diğğət bənav konə miğdor ısət qırd İronədə bə 87 həzo nəfər nezi bə Koronavirusi mıbtəlo bıən.

İroni səhiyyə vəzarətxonə raportədə ijən ğeyd be ki dəvardə 24 saəti mıddətədə həm 90 nəfər ım virusi xoto mardən ki İronədə Koronavirusi nəticədə mardəyon miğdori bə 5481 nəfər rosniyədə.

Əmmo İroni səhiyyə vəzir Səid Nəməki zinə video konfransədə dınyo kişvəronış dəvət karde ki de Koronavirusi muvəffəğ mubarizə barde meydonədə İroni muvəffəğiyətonış elan karde.

Tojədən İroni səhiyyə vəzir bə Amerkə rəsmi şəxson be əsos iddeo və sıxənon reaksiya nışoş do və votışe: ısət ki Amerkə dıvlət ıştə kişvərədə qıvoninə şərayetiku xilos bey əzı ni, əmə bə Amerkə millət komək karde bəznemon.