Pars Today

İslami inğilabi yolə rəhbəri,deşmeniku nıtarse iyən çəy vədə zuman mandeş kərimə ğıroni muhimmə əmronkuş zınə və votışe:ımruj bəzi islamiyə devləton vəziyyət və zolımə ğıvvon tərəfo əvoni təhğir kardeş,islami deşmenonku çəvon tarse nəticəş zınə.

İslami inğilabi yolə rəhbəri,deşmeniku nıtarse iyən çəy vədə zuman mandeş kərimə ğıroni muhimmə əmronkuş zınə və votışe:ımruj bəzi islamiyə devləton vəziyyət və zolımə ğıvvon tərəfo əvoni təhğir kardeş,islami deşmenonku çəvon tarse nəticəş zınə.

Mubarək rujə manqi əvvəlnə rujədə de kərimə ğıron uns baste mərasim ki Tehroni mosəllaədə və mərhum imom Xomeyni huseyniku bəjiyə filmon iyən əlağə de islami inğilabi yolə rəhbəri Həzrət Ayətullah Xamenei huzuri bərpo be,kərimə ğıroni ğaion,novraniyə ayəonışon təlovət karde.

Həzrət Ayətullah Xamenei ım mərasimədə,zılm,2 diməti,canq,noəmni iyən erjon poymol beku insonon nicat pəydo karde yeqanə ro və əmniyyət iyən səlomətəti hakim beş bə kərimə ğıroni əmron əməl karde.anqılış zınə. Və votışe:kərimə ğıroni i dastə əmron,jimonədə çıcurə ğaidə ğanon noe nışon dodə,əqər ım ğaidə de zu,pul iyən şəhvət bıbo inson, həğiğiyə jimon və axirətiku be bəhrə bəmande,əmmo əqər insonon ıştə jimoni binovrə bə çoki əsosi ğəror bıdən dınyo faydonku əlavə de ğətiyəti bə həğiğiyə məğsədon həm bərəsen.

İslami inğilabi yolə rəhbəri bə kərimə ğıroni co dastə novraniyə ayəon əməl kardeş bə ictimaiyəti mınosibəton bə ğaidə noe boisış zınə və əlavəş karde mincumlə çı əmronku,ictimaiyyətdə ğəybət kardeku duəru mande və bə insofi diğğət doe hətta mıxalifon və deşmenon vədəy.

Yolə rəhbəri,bə yəğin nırəsə mevzoonku itaət nıkardeş mincumlə kərimə ğıroni əmronkuş zınə və dınyoədə dəb bə jurnalismi problemonku qıleni və bə ım əmri əməl nıkarde və pesoxtə bə xəbəron roədəş zınə.

Həzrət Ayətullah Xamenei zolımonku doəru mande və bəvon bovə nıkarde ,jimonədə de ədolət və insof rəftor karde və əmonətdə xəyanət nıkardeş islami coqlə əmronkuş zınə və votışe: Amerkəku tars bə telə nəticon bois bəbe və əmə dəvardə soronədə bəzi devlətonədə mışahidəmon kardə ki Amerkəku tars,əvonış de saxtə problemon dim bə dim karde.

İslami inğilabi yolə rəhbəri,Xıdo yod kardeyu nımoj vote və Xıdavəndə xalığiku əfv tələb karde məxsusən mubarəkə rujə manqi əyyamədə bə ruhi inkişafi boisış zınə və oxoyədə ommidvarətiş karde həmmə millət və mıslmonon məxsusən islamiyə devləton və məsul şəxson bə Kərimə ğıroni əmron əməl bıkən çunki problemon şifo ədəy.