Bə 127 həzo nəfər nezi İronədə Koronavirusi qəte kəson çok bin.

İroni səhiyyə vəzarətxonə elanış karde: detosə bə ısət İronədə 164 həzo nəfər təğribən bə Koronavirusi mıbtəlo bıən ki çəvonku bə 127 həzo nəfər nezi çok bıdən.

Bə həminə raporti əsos tosə bə ısət de təəsufi İronədə 8071 nəfər Korona noxəşi nəticədə mardən.

İronədə Koronavirusi test və analiz doe kəson həm bə i milyon nəfər rəsedə.

Xəbəon jıqo hikayət kardedə ki ir dınyoədə Korona qəte kəson miğdor bə 7 milyon nəfər rəse holədəy.

Xəbəon Əfğanıstanədə Korona qəte kəson miğdori ziyod beyku hikayət kardedə.

Tojədən Çinədə Koronavirusi rəvoci vəy qəte bəpeştə ijən xarıci təyyarəon pərə və şirkəton fəaliyəton bino bıə.

Im qılə holədəy ki Rusiyədə şərayeti qıvonin bey xoto hələ kali kişvəron ıştə şəhrvandon bə ım kişvər səfər karde vey qətedən.

Yəməni vəziyəti barədə həm İ Bıə Milləton Təşkilat rəsmən elanış karde ki Koronavirus ım kişvər i 20 milyon şəhrvandi təhdid kardedə.