Koronavirus və sanksiya şərayeti jentonədə İroni muvəffəğiyəton bə təğdiri loyiğe.
Jun 17, 2020 22:38 Asia/Tehran
İroni prezident votışe: İroni dıvlət de zalimanə sanksiyaon iyən Koronavirusi şərayeti jiədə bıə vəziyət əmmo ijən milləti zəruri ehtiyac iyən dəvo damoni de muvəffəğiyət təminış karde.
Həsən Ruhani zinə dıvlət kabineti iclosədə təkidış karde ki sanksiya tətbiğ kardə kəson milləti jimonədə problem ığande cərəyanədə məğlub bıdən və hol ım ki bəzi kişvəronədə Koronavirus məaqazaon ğarət karde bois be.
İroni prezident həminə muvəffəğiyətədə çı İroni səhiyyə vəzarətxonə və İroni mərkəzi banki tədbir-koonış bə təğdiri loyiğ elanış karde.
Oxonə xəbəon jıqo hikayət kardedə ki detosə bə ısət İronədə 192500 həzo nəfər bə Koronavirusi mıbtəlo bıə kəsonku təğribən 153 həzo nəfəri əhvol çok be.
