Beqınoə İronıjon ğətliamədə Avropa və Amerkə de munafiğin həmdastin.

İroni xarıci vəzarətxonə zinə, İronədə bıə Amerkə bəşər həxon nomo haftə mınosebəti qıləy Twitter mesajədə munafeğin terroristiyə qrupi qıləy terror iyən dəhəşt qrup bə hisobış varde iyən təkid kardışe: ım deşmənə qrupi kə Avropaədəy iyən çəy budcə de Amerkə şəhrvandon moliyoti təmin bıdə.

Zinə həmçınin İroni xarıci vəzarətxonə sıxənəvot Seyed Əbbas Musəvi qıləy Twitter mesajədə munafeğin terroristiyə qrupi dasti alodə bey iyən cinoyətonədə Avropa və Amerkə bənə şərik bə hisobış varde və votışe: munafeğin terroristiyə qrup həmişə Avropa və Amerkə himoyəon jentonədə bədə bin və həminə himoyə jentonədə əvon çand həzo çı İroni şəhrvandon şəhid və eflic kardəşone.

Miladi 80 minə soronədə İronədə anədə cinoyət-terroron de Amerkə himoyəon əncon be; bə çəy xoto ısət İronədə qıləy haftə de Amerkə pesoxtə bıə bəşər həxon onvan vıjniyə bıə.

Həminə cinoyətonku qıləyni Tehronədə İroni İslam Respublika partiya şobə terroristiyə həmlə be ki munafeğin terroristiyə qrup çəy amil be; ım tıpımonədə İroni ali məhkəmə yol Ayətullah Beheşti və çəy 72 nəfər həmkaron şəhid bin.

Im cinoyəti amil Muhəmməd Rıza Kolahi çand sor Hollandiyaədə jimon karde bəpeştə qıləy şobhinə həmlədə kıştə be.

Co qılə cinoyətədə yəni İroni Sərdəştədə İroni Səddam rejimi kimiyavi həmlə həm əmələn de Almaniya himoyəon əncom be.

Im həmlə cərəyanədə 110 nəfər çı Sərdəşti əhali şəhid və 8 həzo nəfər zəxmin bıən.

islamiyə məzhəbon təğrib nomo bıə beynəl xalğ icmae rəis Həmid Şəhriyari həm tojədən İronədə bıə cinoyəton və terroristiyə hərəkətonədə bə Amerkə həmkari və xəbisə siyasəton işorə və təkidış karde: Amerkə bəşər həxon vey yolə poymoləkə hukuməte.