İroni Yolə Rəhbər: deşmınon de sanksiya həm bə anti İron hədəfon nibərəseyn.

İroni Yolə Rəhbər bə ım nuktə işorəş karde ki İroni millət de deşmənon harcurnə plani həmohənq mıtəğabil reaksiya nışo doe əvoni kardən və hamiyəşe: jıqo ki ımruj İroni deşmənon etıraf kardedən de fişar və makzimum təhrimon vıcudi həm anti İron hədəfon əməli bə ni.

İroni Yolə Rəhbər zinə de İroni islamiyə şura məclesi tojə vıjniyə nımoyəndəon video iclosədə vindemoni vositə bə İroni Yolə zərfiyət zə zumandə ğıvvə həmçınin milləti imon və məenəvi ğabeliyət işorə və təkidış karde: həmmə məvcudə problemon həl kardənin və əme bə ım həğiğəti xatircəmion və İroni məclis bəpe muhimmə məsələon həl karde xoto bə təcrid nişo iyən de xalisanə koon milləti problemon həl kardero hiss kardəninə əncom bıdə.

Həzrəte Ayətullah Xamenei İroni 11-nə məclesi qıləy zumandə inğilobiyə məcles bə hisobış varde və votışe: cıvon, imonin, zumand, səvodin iyən çokə depitaton kənoədə bıə təcrubəinə mudiron iyən nakonə deptaton bois bıə ki ım parlament bənə vey çok iyən omidvarəkə məcles bıbu.

İroni Yolə Rəhbər iğtisodi ısətnə bıhranon bənə noxəşi vəsfış karde və eyne holədə votışe: mudafiə sahədə zumandə ğudrəti xoto kişvər be şək həmmə problemon vədə səbarz bəbe.

Həzrəte Ayətullah Xamenei İroni daxıli zərfiyəton barədə və bəzi imkanaton aşmardero bə elmi şirkəton, çandə poriket planon, tojə obdonəkə loyhəon, hərbi sənayeədə heyrətamizə inkişof və ayrokasmik baxşədə insoni təğdiri bois bıə muvəffəğiyəton bənə hevujə stedadi işorəşon karde.

İroni Yolə Rəhbər, de Koronavirusi i minə cərəyan və təpə mubarizə barde meydonədə İroni milləti çəy faxtədə bıə fidokaranə iştirok bə yande komək karde əv həm momenanə nomo bıə humanitarə kəmpeyni çərçivədə fəaliyəton, qeneral şəhid Suleymani təşie cənazədə milləti əzəmətinə huzuri bənə milləti məenəvi zərfiyət işorə və təkidış karde: İroni milləti və cihod simoliku ğədrdonti karde xoto milləti əzəmətinə iştirok sobotış karde ki ım millət bə istikbori vədə mubarizə və muğavimət bovəş heste.