Çin: Amerkə çı İroni siloh sanksiyaon mıddəti dıroz kardeyro bəhonə soxte holədəy.
Çini xarıci vezarətxonə sexanəvot votəşe: əmniyət şuraədə Amerkə qıləy beəsosə ko vositə çı İroni siloh sanksiyaon mıddəti dıroz kardeyro bəhonə soxte holədəy.
Bə İrna raporti əsos, Hoa Çoninq zinə çı Amerkə xarəci vəziri tojə sohbəton reaksiyaədə təsdiğış karde: Mayk Pompeo anti İron sıxanon qırd beəsosin.
Əv votışe: jığonə iddioon ijən ətomiyə saziş və əmniyət şura 2231 ğətnomə barədə Amerka beğanunə rəftori ifşoş karde.
Hoa Çoninq umudəvo be ki Amerkə rə bə ətomiyə muğavilə oqaro iyən nakonə səhvə roon əvəzi de əmniyət şura ğətnomə həmohənq əməl ko.
Amerkə xarəci vəzir Mayk Pompeo tojədən iddioş karde ki oktiyabri 18 iyən İroni siloh sanksiyaon ləğ bey bəpeş Çin bə İron hərbi təchizaton həvote pidəşe.
Qıle holədə ki əmniyət şura 2231 ğətnomə iyən ətomiyə saziş cəryonədəy, əmmo Amerkə tojədən de beəsos iddio iyən İroni siloh sanksiaon ləğv bey bənə təhdid neşo doe, həmonə sanksiaon ləğvi vəy qəteyro cəhd kardedə.
