Amerkə tuğyançiyə rəftori vəy qəte lozıme.

Suriyə osmonədə Amerkə ğırəkə təyyorəon bə İroni Mahan nomo sərnişin təyyorə həmlə-təcavuzi reaksiyaədə İroni xarici vəzir Asiya Ğərb məntəğədə bıə Amerkə tuğyançiy rəftori vəy qətey xoto umum iştimaeiyəti ciddi tədbiron tələbış karde.

Bə İrib raporti əsos, pəynə şəv Amerkə 2 qılə hərbi ğırəkə təyyarəon bə İroni Mahan nomo şirkəti sərnişin təyyarə mane bıən, Im təyyorə Livaniku bə Tehron ome holədə be ki Amerkə ğırəkə təyyarəon xətərnok maneon xoto və harcurnə hodisə vəy qəte qoronə sərnişin təyyorə pilot bə ıştə pəre surət iyən barzi kam karde məcbur mande ki ım məsələ çı təyyarə bəzi sırnişinon zəxmin bey bois bıə.

İroni xarici vəzir Muhəmməd Cəvad Zərif zinə de qıləy Tvitter mesaji nıvışteşe: Amerkə ğəyri ğanuni forma coqılə kişvəri işğal və bə qıləy ğeyri hərbi sərnişin təyyorə mane bey vositə beqınohə sərnişinon coni təhdid kardəşe.

Zərif bə ım macəraədə Amerkə iddio işarə və təkidış karde: anədə tuğyançiyəti bois bıə ki Amerkə beğanunə siyasəton vey bıbu ki bəpe rə faciə icod bey bənav jığonə rəftoron vəy qətə bıbu.

İroni Mahan şirkət ım sərnişin təyyorə bərno qıləy ğanuni və çimi bənav elan bıə xət bəyon iyən ım təcavuzədə 12 qılə sərnişinon zəxmin bey təsdiğ kardeşe.

Tojədən İroni ro iəyn şəhr soxte vəzir Muhəmməd İslami həm Amerkə bə İroni Mahan nomo şirkəti sərnişin təyyarə mane bey qıləy terroristə hərəkət bə hisobış varde və votışe: Amerkə ım beğanunə hərəkət de hiç curnə mənteği ğəbul kardənin ni və bəpe rə tədğiğ iyən məhkum bıbu.