De səidə Ğıbonə idə ruji mınosibəti yolə rəhbəri vıjniyə bə bəyonoton.

İslami inğilabi yolə rəhbəri səidə ğıbunə idə ruji ıştə bəyonotdə votışe:Amerkə sanksiyaon zahirədə bə İslamiyə Respublika nizomi zidde əmmo həğiğətdə bə İroni milləti zid və qıləy cinayəte.

İslami inğilabi yolə rəhbəri səidə ğıbunə idə ruji ıştə bəyonotdə votışe:Amerkə sanksiyaon zahirədə bə İslamiyə Respublika nizomi zidde əmmo həğiğətdə bə İroni milləti zid və qıləy cinayəte.

İslami inğilabi yolə rəhbəri ımruj həmzəman de səidə ğıbunə idə ruji TV bəjiyə bərnamədə de səidə ğıbunə idə ruji mınosibəti təbrik voteədə,səlomətəti roədə cihadinə fəaliyyətonku iyən  ironi səhiyyə kadron xıdmətonku koronavirusi pandemiya zəmanədə təşəkkurış karde.

Yolə rəhbəri votışe:ımruj dınyo həmmə de ım pandemiya dim bə dim hestin qasbo bəzi vıronədə xəylion bıbon ki bə odəmon komək kardən əmmo fik kardə nim heç vırədə bənə əzizə İron,dıştə meyl və rizo jıqo veyə cəmaət komək kardeyu hozzı bımandon.

İnğilabi yolə rəhbəri votışe:dəmon və səhiyə məcmuə ım meydoni mubarizəonədə nav xətədən və fədakarətişon kardə və zıvon ım fədakarətion bəyon kardeku ocize və çəvon peştədə həminə insonon bən ki dıştə meyl və rizo çəvonku himoyəşon kardə.

Həzrət Ayətullah Xamenei eyne holədə votışe:cəmaətiku 1 dastə koronavirusi pandemiya zəmanədə ve şiddətinə ziyanışon vində və ımon bəpe cubran bıbon ,ımi bəpe millət cubran bıkə,nibəznemon həmmə məsuliyəti bə devlət və devlətiyə orqanon qi noe,əvon həm bəzi vəzifonışon heste ki bəpe əncom bıdən əmmo vəs ni və cəmaət ıştən həm bəpe komək bıkən.

Yolə rəhbəri Amerkə bə İroni zid sanksiyaonku işarəş karde və əvış qıləy yolə cinayət bə qıləy milləti zid zınəşe.

İslami inğilabi yolə rəhbəri sanksiyaonku deşmeni hədəfış kırtə mıddət,miyon mıddət və bıland mıddətə hədəfonış  zınə və votışe:kırtə mıddətdə çəvon hədəf İroni milləti oğandeye. Həzrət Ayətullah Xamenei votışe:çəvon miyon mıddətə hədəf İroni elmiyə inkişafi nav qəteye və çəvon bıland mıddətə hədəf devlət və məmləkəti muflis karde və İroni ixtisadi arəku bardeye.

Yolə rəhbəri votışe:çəvon kənoədə bıə məğsəd İroni de məntəğə təşkilaton əlağon ğət kardeye ,ə çioni ki xəbisə deşmen de sanksiya çəvon domoədə bə ,bə nəticə rəsə ni və ərəs həm ni və ıştən həm bə ım məsəlon etirafışon kardə.