Musəvi:Amerkəvıjon İ bə milləton təşkilati koonku suistifadə kardən

İroni xarici koon vəzorətxonə sıxanəvot,bə İslamiyə Respublika zid silah sanksiyaon mıddəti dıroz kardeyu bə Amerkə cəhdon işarəş karde və votışe: Amerkəvıjon İ bə milləton təşkilati əmniyət şura koonku suistifadə kardən.

İroni xarici koon vəzorətxonə sıxanəvot,bə İslamiyə Respublika zid silah sanksiyaon mıddəti dıroz kardeyu bə Amerkə cəhdon işarəş karde və votışe: Amerkəvıjon İ bə milləton təşkilati əmniyət şura koonku suistifadə kardən.

İroni xarici koon vəzorətxonə sıxanəvot sed Əbbas Musəvi ımruj İ bə milləton təşkilati əmniyət şura maşkinə iclosədə Amerkə bə İroni zid silah sanksiyaon dıroz kardeyu ğətnamə nav nıvıştəyon həxədə de jurnaliston təşkil doə iclosədə əlavəş karde ım ko bə İroni zid zıneku nav bə beynəlxalğə  fəaliyəton iyən İ bə milləton təşkilati əmniyyət şura zidde.

Musəvi votışe:Amerkəvıjon pidəşone İ bə milləton təşkilati əmniyyət şura bə məhv be tərəf bıbə ya ıştə nufuzi jiyədə ğəror bıdə və əlavəş karde əmniyyət şura uzvon bəpe muğət bıbon Amerkəvıjon tələdə qiriftar nıbon və ehtimalən Amerkə ım hərəkət həm ım şura uzvon muğət beədə bə nəticə ərəs ni.

İroni xarici koon vəzorətxonə sıxanəvot,Fars dıyo həmkoəti şura yoli bə əmniyyət şura nıvıştə məktobi həxədə ki İroni silah sanksiyaon dıroz kardeyu təşkil bə , Ərəbıstonı roli həxədə votışe:bə səhihə xəbon əsosi Fars dıyo həmkoəti şura bəzi uzvon çı məktubi mevzoku xəbəşon bə ni.

Musəvi bə İroni nakonə məsləhəton de Fars dıyo ətrofədə bə məmləkəton həmkoəti kardeyu işarəş karde və votışe:İron bə məmləkəton ki İroni silah sanksiya peqəteku niqəran mandən votdə şımə  ım məntəğən silah və bomba anbo kardə və çımə ım hərəkət Amerkə tono ıştəni şin kardeyu təşkil bə.

İroni xarici koon vəzorətxonə sıxanəvot Vaşinqtonı rəsmi şəxson iddaon həxədə ki quya Tehron,Amerkə prezdentəti vıjnımonədə mudaxilə kardə votışe:ım Amerkəvıjon tərəfo bə sıre bois bə iddaonkuy çunki İron bə Amerkə odəmon ,cəriyanon və daxiliyə partiyaon əhəmmiyyət dodə ni bəlkə bə çəvon rəftor və əməl iyən de İron İslam Respublika  həmkoəti karde məsələ diğğət dodən.