Ğalibaf:koronavirusi ziyanon arəku bardeyu can cəhətinə hərəkəton zumand karde lozime.

İroni islamiyə şura məclisi rəis,çan cəhətinə hərəkəton zuman karde iyən məsuliyət ğəbul bıkə vədəonış,korona pandemiya nəticədə ziyanon arəku bardeyu beynəlxalğə ictimaiyəton zəruriyə koş zınə.

İroni islamiyə şura məclisi rəis,çan cəhətinə hərəkəton zuman karde iyən məsuliyət ğəbul bıkə vədəonış,korona pandemiya nəticədə ziyanon arəku bardeyu beynəlxalğə ictimaiyəton zəruriyə koş zınə.

İroni islamiyə şura məclisi rəis Muhəmməd Bağer Ğalibaf zinə dınyo məmləkəton məclison rəison 5 nə konfransi 1 minnə ruji ki de vidio konfrans roy avqosti 19 və 20 minnə rujonədə bərpo bedə işarəş karde İron İslam Respublika bənə coqlə məmləkəton de koronavirus mubarizə barde holədəy de xoşbəxtiyəti,səhiyə iyən səloməti sistemon iyən nizomi zumand be xoto Amerkə zılmin və ğeyre insoniyə sanksiyaon vıcoddə ım baxşədə veyə muvəfəğiyyətonış bə dast vardə.

Ğalibaf votışe:məclison miyonədə bıə itifağ bəpe ısətnəku korona noxəşəti bəpeştə dınyo ziyanon,ovonə kardeyu bərnaməş bıbo və ciddiyə hərəkəton əncom bıdən və əlavəş karde zərurətış heste har qılə bərnamə budcə nəzədə qəteyu milli parlamenton çokə himoyəon,iyən devləti hədəfon zumand karde sə ve sayirə himoyə bıkə fəaliyəton,ğeyre devlətiyə muəssisəonku bəhrə bardeədə,mediyaon iyən şəhrvandon tərəfo icod bə təşkilaton və xususiyə baxş və ziyan vindəkəson həm diğğət mərkəzdə ğəror bıqəton.