De Tasuaye Huseyni(ə) dəme mınosibəti təsliyət.

İslamiyə İroni həmmə vıronədə Tasuaye Huseyni(ə) ruji siyohə ranqış qətə və matəm iyən əzadarətiədən.

İslamiyə İroni həmmə vıronədə Tasuaye Huseyni(ə) ruji  siyohə ranqış qətə və matəm iyən əzadarətiədən.

Imruj hicri ğəməri 1442 nə sori Məhərrəmə manqi 9 nə ruj miladi 2020 nə sori avqosti 29 Tasuaye Huseyni(ə) ruje.

Tasuaye Huseyni(ə) rujədə dınyo şiəyon 3 minnə imom Həzrət İmom Huseyn(ə) və həzrəti əhle beyti,milyonon aşığ islamiyə İroni həmmə vıronədə əzadarətiyə məclison bərpo kardeədə Həzrət İmom Huseyn(ə) əzizə bıvə Həzrət Əbəlfəzliləbbas(ə) yodi əziz qətedən.

Həzrət İmom Huseyn(ə) və həzrəti vəfodorə əshab hicri ğəməri 61 minnə sori kərbəloədə bə şəhodət rəsin.

 Çandə əsr kərbəlo norohət bıkə hadisəku dəvardeədə iyən Həzrət İmom Huseyn(ə) və həzrəti vəfodorə əshabi şəhodəti bəpeştə nə ım ki çı hadisə əhəmmiyyətiku kam bə ni bəlkə ha çəxtə dəvardedə Aşura mesaj əzəmətin və əzadarətion de veyə şura və həyəcan iyən veyə aqahəti bərpo bedə.

Imros İroni həmmə vıronədə bıə heyəton,məçiton və təkiyəon de əzadariyə mərasimon bərpo karde ojə vıronədə  iyən bə səhiyyə protokolon diğğət doeədə milləti səloməti hifz kardeədə iyən korona pevılo be vəy qətedədə ım bevəcə virusi arəku şe iyən noxəşon şifo pəydo kardeyu ıştə dastonışon dıvo kardeyu rostışon karde və əhle beyt(ə) ailəku çı devrani dəvoneyu imdodışon tələb karde.

İron İslam Respublika telerədyo de Tasuaye Huseyni dəme mınosibəti bə həmmə mıslmonon və  məxsosən şiəyon və dınyoədə ozodəti tələb kardə kəson təsliyət votedə.