De İmom Zeynulabidin(ə) şəhodəti sorəqardışi mınosibəti təsliyət.

Imruj 3 şanbə hicri ğəməri 1442 nə sori Məhərrəmə manqi 12 miladi 2020 nə sori sentiyabri 1 minnə ruj Xıdo rəsol(s) pokə avlodonku qıleni Həzrət İmom Huseyn(ə) fərzənd, de Səccad ləğəbi Həzrət İmom Zeynulabidin(ə) şəhodəti sorəqardışe.

Imruj 3 şanbə hicri ğəməri 1442 nə sori Məhərrəmə manqi 12  miladi 2020 nə sori sentiyabri 1 minnə ruj Xıdo rəsol(s) pokə avlodonku qıleni Həzrət İmom Huseyn(ə) fərzənd, de Səccad ləğəbi Həzrət İmom Zeynulabedin(ə) şəhodəti sorəqardışe.

Həzrət İmom Zeynulabedin(ə) şiəyon 4 minnə imom hicri ğəməri 38 nə sori Mədinə şəhrədə bə dınyo omə həzrət qıləy devranədə jidə be  ki islami əzizə peyğəmbər(s) ailon şərayet ve saxt be.

İmom Səccad(ə) ki Kərbəlo hadisədə nixəş be,İmom Huseyn(ə)  yolə ğiyami bəpeştə ,ım ğiyami mesaji nəşr karde iyən ıştə əzizə dədə ro dəvom doeyu qonə məsuliyətış bə ehdə qəte və ım ğiyami mahiyyət və əhəmmiyyəti nışon doeyu veyə cəhdonış nışon do.

Şiəyon 4 minnə imom islamiyə tarix və mədəniyyəti bino karde iyən Kərimə ğıroni təlimaton inkişafiyu cəhdışon karde və dıştə  xususiyə aqahəti iyən bəsirət mıslmonə alimonış tərbiyət karde ta çı royku kərimə ğıron və islami əzizə peyğəmbər(s) sınnət hifz bıbo.

Həzrət ləyoğətinə insononış cəm karde və bəvon dini təlimonış do jəqo ki bə tarixiyə rəvoyəti əsosi həzrəti məşhurə şoqirdon 170 nəfərisə ve ğeyd bə.

Həzrət İmom Səccad(ə) mıslmononru noə erjinə mirosonku qıleni Səhifeye Səccadiyə nomo kitobe.

Im kitob hər çənd dıvo və ibodəti ğolibədəy əmmo islami xəyli elmon və muarif iyən irfaniyə məsəlon həğiğət və şəriyə hıkmon,iyən siyasi,ictimaiyyət,tərbiyəti və əxlağiyə muhimmə məsəlonku iborəte.

İron İslam Respublika telerədyo İmom Səccad(ə) şəhodəti sorəqardışi bə həmmə mıslmonon  məxsusən bə şiəyon təsliyət votedə.