İronədə bə 327 həzo nəfər nezi çı Koronavirusi noxəşonku çok bin.

İroni səhiyyə vəzarətxonə sıxanəvot elanış karde: tosə bə ısət İronədə 378752 nəfər bə Koronavirusi mıbtəlo bıən ki çəvonku de xoşbəxtiyəti 326801 nəfər noxəşxonəonku mırxəs iyən ozod bıən.

Bə həminə raporti əsos iyən xanım Simasadat Lari nəğliku, de təəsufi İronədə 21797 nəfər həm Covid-19 pandemiya iyən virusi nəticədə mardən.

Bə ğəti testi əsos, dəvardə 24 saəti mıddətədə 1858 nəfər İronıj Korona qətəşone ki çəvonku 1136 nəfəri hol çok ni.

Ğeyd kardənine ki dınyoədə Korona qəte kəson miğdor bə 26 milyon nəfər rəseydə ki çəvonku təğribən 861 həzo nəfər həm mardən.

Əmmo məntəğə kişvəronku oxonə xəbə jığo hikayət kardedə ki Hindıstonədə Koronavirusi qətə kəson miödor bə 4 milyon nəfər rəse holədəy.

Bə Noyə  Dehli səhiyyə vəzorətxonə oxonə raporti əsos, lm kişvərədə tosə bə ısət bə 800 həzo nəfər nezi Covi-19 pandemiya nəticədə mardən.