İronədə 330 həzo nəfəriku vey Koronavirusi noxəşon çok bin.

İroni səhiyyə vəzarətxonə sıxanəvot elanış karde: tosə bə ısət İronədə 382772 nəfər bə Koronavirusi mıbtəlo bıən ki çəvonku de xoşbəxtiyəti 330308 nəfər noxəşxonəonku mırxəs iyən ozod bıən.

Bə həminə raporti əsos de təəsufi İronədə 22044 nəfər həm Covid-19 pandemiya iyən virusi nəticədə mardən.

Bə ğəti testi əsos, dəvardə 24 saəti mıddətədə 2026 nəfər İronıj Korona qətəşone ki çəvonku 1073 nəfər hələ həm noxəşxonəonədən.

Ğeyd kardənine ki dınyoədə Korona qəte kəson miğdor bə 27 milyon nəfər rəseydə ki çəvonku təğribən 861 həzo nəfər mardən.

Məntəğə kişvəronku oxonə xəbə həm ıme ki Azərbaycon Respublika iyən Tırkiyədə Koronavirusi qətə kəson iyən ım pandemiya nəticədə mardə kəson miğdor həm ziod bey holədəy.

De Koronavirusi mubarizə barde sahədə beynəlxalğ və reqional əloğə-həmkarion barədə həm xəbə omə ki İroni bə Tacikıston vığandə koməkon zinə bə Duşənbə airporti varid bıə.