Ruhani:İroni millət Amerkə ğoldorətion vədə təslim əbı nin.

İron İslam Respublikə prezident, Amerkə bə İroni zzid zılmin iyən noədulətinə sanksiyaon işarəş ka və votışe: İroni millət qıley ğıvvə ğuldurəti iyən zoə hərəkəton vədə təslim nibəben.

İron İslam Respublikə prezident, Amerkə bə İroni zzid zılmin iyən noədulətinə sanksiyaon işarəş ka və votışe:

İroni millət qıley ğıvvə ğuldurəti iyən zoə hərəkəton vədə təslim nibəben.

İroni İslam Respunlikə prezident Həsən Ruhani zinə Tehronədə de İsveçrə xarci koon vəziri İğna Tesyo Kassis təşkil doə vindemonədə elanış ka məmləkəton rabitə erj bəpe Beynəlxalğ ğanunun iyən İbıə milləton təşkiloti Əmniyət Şurə ğətnaməon bıbon və əlovəş karde Amerkə çandə sorone ki, İslomiyə Respublikə nizomi miyono barde iyən İroni daxili koonədə modaxilə karde domoədəy.

Prezident Ruhani votışe: İron bə Beynəlxalğ ğanunun və çandə cəhətə sazeşon bovəş heste və əlovəş ka harujədə ki Amerkəvıjon bə ğərul bon, ıştə səhvə hərəkəton bə kəno bınən və bə Əmniyət Şurə 2231 ğətnamə iyən atom sazışi oqardon ro bəvoro oje.

İron İslam Respublikə prezident bə Amekəvıjon kali cinayəton men cumlə bə İslomiyə Respublikə ələyh sanqsiyaon və iğtisodiyə canq işorəş karde və votışe:

Dınyoədə dost və ozodə məmləkəton, terarizm və Amerkə ğeyre ğanoniyə hərəkəton vədə tam bıjəno.

Prezident Ruhani eyne holədə votışe: İron intızarış heste kırona virusi pandemiyə şərayetəndə Avrupə məmləkəton, Amerkə, ixtisodiyə terorizmi vədə ciddi və oşkuə əməliyə tədbiron nəzədə bıqəton, İsveşrə mali ro fəal karde iyən çəy fəalə təsir bınə roli ifo karde tələb kardəmon.

İsveçrə xarci koon vəzir həm ım vindemonədə bə 2 qılə məmləkəti siyasi və diplumatik rabitəonş ve çok zınə və həmə cəhətonədə bə ım rabitəon tovsıə iyə inkişofi işarəş karde.

İsveçrə xarci koon vəzir həmə məmləkəton tərəfo bə Beynəlxalğ ğanunun əməl karde əhəmiyəti işarə karde və votışe:

İsveçrə maliyə ro Amerkə bə İroni milləti ələyh sanqsiyəon nəticə icud bə problemon həl kardeyo bə ro dəqni və İsveçrə ım plani foidəinə roli ifo kardeyo fəaliyət bəkay.