İron və Azərbaycan Respublika ro vəziron muzakirə

İron İslam Respublikə ro iyən şəhr soxte vəzir Muhəmməd İslami və Azrbaycan Respublikə ro, rabitə iyən tojə texnuloqiya vəzir Ramin Ğolizadə zinə şanqo qıley onlaynə vindemonədə 2 qılə mələkəti bəzi mıştərəkə planon icrai karde həxədə mızokirəşon dəvoni.

İron İslam Respublikə ro iyən şəhr soxte vəzir Muhəmməd İslami və Azrbaycan Respublikə ro, rabitə iyən tojə texnuloqiya vəzir Ramin Ğolizadə zinə şanqo qıley onlaynə vindemonədə 2 qılə mələkəti bəzi mıştərəkə planon icrai karde həxədə mızokirəşon  dəvoni.

Bə irna xəbəon əsos İroni ro və şəhr soxte vəzir ım onlaynə vindemonədə işarəş karde ki, İron və Azərbaycan Respublikə rəhbəron 2 qılə millət və 2 qılə məmləkəti miyono bə dostiyəti iyən bıvəti əsos rabitəon inkişof doeyo ciddi və zomandə iradəşon heste əlovəş ka bəpe mıştərək sorətədə cəhd bıkəmon ta dı qılə məmləkəti rabitəon və həmkuəton navnə sə nez bıbon.

 Muhəmməd İslami işarəş karde Tehron və Buko həmkuətion de ğətiyəti bə 2 qılə məmləkəti nəf bəbe və omidəvon mande 2 tərəf həmkuətişon 2 qılə məmləkəti ixtisodi və ticori inkişof men cumlə nəğliyot və tıranzitiyə həmkoətion məxsusən şimal-cənub dəhlizi fəaliyəton ve kardə 2 qılə mələkti ticari fəaliyəton nav şərayeton huzu bıkən.

Azərbaycan Respublikə nəğliyot rabitə və tojə texnuloqiyaon vəziri həm ım onlainə vindemonədə kurona saxtə şərayetədə tojə texnuloqiyaon bə insonon kar omeku ruzi mandevə votışe ım məsələ məmləkəton həmkoətion vəy qəteyo mane bə və ələovəş ka bəpe cəhd bıkəmon ta ıştə rəhbəron iradə cəhətdə çokə bıvə iyən dostə rabitəon Azrbaycan Respublikə və İroni məmləkəton miyono zomand bıbon.

Ğolizadə eyne holədə yəğinış do Azərbaycan Respublikə və İron İslom Respublikə mıştərəkə planon mıxtəlif baxşonədə 2 qılə məmləkəti rabitəon nakonəsə zomand bəkay.

Im onlaynə vindemoni oxoydə 2 tərəf bəzi məsələon iyən Ostoro ro piyo pard soxte, Ostoro osonə xəti mərkəz iyən Rəşr-Ostoro osonə ro soxte həxədə mandə məsələon barədə votemonışon dəvoni və bə ğərol omin rozi bə sənədon nav nıvştə bıə mətləbonədə nəzədə bə məsələon islah karde bə peştə navə nezə rujinədə, işarəş karde pardi soxte nav şərayeti huzublkın.