İron və Rusiyə parlamentiyə həmkoətion inkişaf doe həxədə bovə.

İroni islamiyə şura məclisi rəis və Rusiyə doma rəis 2 qılə məmləkəti parlamentiyə həmkoətion inkişaf doe zərurət iyən parlamenti mıştərəkə aliyə kamisiya fəaliyyəton əhəmiyətiku işarəşon karde.

İroni islamiyə şura məclisi rəis və Rusiyə doma rəis 2 qılə məmləkəti parlamentiyə həmkoətion inkişaf doe zərurət iyən parlamenti mıştərəkə aliyə kamisiya fəaliyyəton əhəmiyətiku işarəşon karde.

İroni islamiyə şura məclisi rəis Muhəmməd Bağer Ğalibaf zinə de Rusiyə doma rəis Viçeslav Valoddin telefoniyə əlağəş qəte və İroni 11 minnə məclisi fəaliyəti çandə manqi dəvarde həxədə işarəş karde və votışe: navədə bıə fırsət Tehron və Maskva çokə frsəte ki ıştə parlamentiyə rabitə inkişaf bıdən və iyandı miyonədə həmkoətion de veyə surəti bə nav bıbən.

Ğalibaf votışe: İron və Rusiyə votımonon dəvom həm  məntəğə və həm beynəlxalğə səviyədə təsir ənəy.

İroni islamiyə şura məclisi rəis eyne holədə Azərbaycan Respublika və Ermənistanı daveon şiddətin beş niqəran əkəş zınə və əlavəş karde bəpe daveon vəy qəteyu cəhd bıbo ta Boku və İrəvan de votımon mevcod bə munağişə oroxonon.